ما احلى طلتك

ما احلى طلتك


لو تحطي او تشيلي غشوتك.... لك جمال زاد عن طور الخيال

من عباتك يا حلي من شيلتك.... فز نور الحسن من تحت الظلال

ولبسة البرقع تزود فتنتك.... من عيون تشبه عيون الغزال

ولي ظهر وجهك تسامت صورتك.... والنحر معقود به عقد ولآل

والبياض اللي يكمل رسمتك.... والجدايل لونها سود الليال

والعذاري تنبهر من شوفتك.... مثل برق يلمع بروس الجبال

والبدر يخجل يناظر صفوتك.... آية الرحمن في حسنك مثال

والهوا يشتاق يروح نسمتك.... لك عبير الورد نادى لك تعال

لك تراب الارض تعشق خطوتك.... لي مشيتي فوقها بخفه ودلال

وإن بغيتي الصدق محلى طلتك.... لك جمال صال في الدنيا وجال

ولي ذهبتي لك عيوني فدوتك.... والعمر والروح فدوى هالجمال

لك صدى صوتي يسامر حجرتك.... لك خيالي طامع بلحظة وصال

حلو كتير غلاتي
رائعة واصلي
تم+++++++++++